Talabalarning Yevropa Ittifoqi huquqiga bo‘lgan qiziqishlarini oshirish, bu boradagi bilimlarini yanada mustahkamlash va ilmiy faolligini rag‘batlantirish, shuningdek, iqtidorli talabalarni aniqlash, ularning ta’lim va tadqiqotchilik sohasidagi sa’y-harakatlarini qo‘llab-quvvatlash maqsadida tashkil etilayotgan tanlovda ishtirok etishni istaganlar “Jean Monnet Chair in EU Law” Telegram kanalining a’zosi bo‘lishi hamda 27-mayga qadar quyidagi link orqali ro‘yxatdan o‘tishi kerak: https://forms.gle/BHoCsY1mi8fUWsVr5

Tanlov shartlari: 

— tanlov ikki bosqichda o‘tkaziladi;
— 1-bosqichda tavsiya etilgan yoki tanlab olingan mavzular bo‘yicha ilmiy maqolalar 15-iyunga qadar Tanlov komissiyasiga tegishli platforma yoki Telegram orqali yuboriladi. Komissiya xulosasiga ko‘ra, eng ko‘p ball to‘plagan 9 nafar ishtirokchi 2-bosqichda ishtirok etish uchun tavsiya etiladi;
— 2-bosqichda 9 nafar ishtirokchi o‘z ilmiy maqolasining mazmuni bo‘yicha 10-15 daqiqalik og‘zaki ma’ruza qiladi;
— yakunda 9 nafar ishtirokchi orasidan umumiy 100 ballik tizim bo‘yicha eng ko‘p ball to‘plagan 3 nafar ishtirokchi sovrinli o‘rinlarni qo‘lga kiritadi. 

Bundan tashqari, tanlov ishtirokchilarining eng yaxshi maqolalari “Jean Monnet Chair in European Union Law”ning rasmiy veb-saytida e’lon qilinadi va respublikaning yuridik ilmiy jurnallarida e’lon qilish uchun tavsiya etiladi.